ГУЛШАНИ АДАБ

Гуфторҳои бузургон дар мавриди кӯдакон

Агар хоҳед, фарзандонатон боҳӯш бошанд, ба онҳо қиса хонед, агар хоҳед, ки хеле боҳуш бошанд, барояшон бештар қиса бихонед!

Алберт Эйнштейн

Тақрибан ҳама ҳақиқате, ки бо садоқат баён мешаванд, тавассути кӯдакон аст.

Оливер Уэнделл Холмс

Рӯҳи инсон бо будан дар канори кӯдакон шифо меёбад.

Ф.М.Достоевский

Кӯдакон натанҳо маъсум ва кунҷкованд, балки мусбатандеш, пурлаззат ва аз ҳама муҳимтар шодиянд, бо як калом онҳо ҳамон чизе ҳастанд, ки бузургтарҳо орзуяшро доранд!

Кэролин Хейвуд

Назм

Ҷаҳон, эй бародар намонад ба кас,
Дил андар Ҷаҳонофарин банду бас.

Макун такя бар мулки дунёву пушт,
Ки бисёр кас чун ту парварду кушт.

Чу оҳанги рафтан кунад ҷони пок,
Чӣ бар тахт мурдан, чӣ бар рӯи хок.

Саъдии Шерозӣ

ТО САР НАБОХТЕМ, САНГАР НАБОХТЕМ...

Чун бод тезрав, чун барқ тезкор,
Чун санг пойбанд, чун кўҳ пойдор.
Бо тору пуди ҷон, бо тору пуди тан,
Худро танида аст бо пайкари Ватан.

Аз тангаи Вахон, то Бешаи паланг,
Аз Регари Ҳисор, то марзи Исфаранг,
Дар имтидоди шаб бедор марзбон,
Дар сангари Ватан ҳушёр марзбон…

Аз Модари Ватан бар сангарат салом,
Аз сангари Ватан бар Модарат салом!

Таърихи мулки мо андарзнома аст,
Ҳар зарра хоки мо як марзнома аст.
Ҳар нахл як шаҳид, ҳар санг як мазор,
Ҳар насл як набард, ҳар дашт корзор.

Ибни Сино

⚠️Ку дил, ки донад нафаси асрораш,
Ку гӯш, бишнавад даме гуфтораш.
Маъшуқ ҷамол менамояд шабу рӯз,
Ку дида, ки то бархӯрад аз дидораш!

⚠️Се чиз бибурд аз се чизи ту мисол,
Аз рух гулу аз лаб мулу аз рӯй ҷамол.
Се чиз бибурд аз се чизам ҳама сол,
Аз дил ѓаму аз рух наму аз дида хаёл!

⚠️Гуфтам, ки чаро чу абр хунборонам,
Гуфт: - аз пайи он ки чун гул хандонам.
Гуфтам, ки чаро бе ту чунин гирёнам?
Гуфт: аз пайи он ки ту танӣ ман ҷонам!

Насиҳати Мавлоно ба фарзандаш Султон Валад:

Насиҳати Мавлоно ба фарзандаш Султон Валад:

Агар хоҳӣ доимо дар биҳишт бошӣ, бо ҳама дӯст шав ва кинаи касеро дар дил нагир, зеро чун шахсеро аз рӯи дӯстӣ ёд кунӣ, доиман шодмон бошӣ ва он шодӣ ҳамон биҳишт аст. Ва агар касеро аз рӯи душманӣ ёд кунӣ, доим дар ғам бошӣ ва он ғам ҳамон дӯзах аст.

Чун дӯстонро ёд кунӣ, бӯстони дарунат аз хушӣ мешукуфад ва аз гулу райҳон пур мешавад. Ва чун зикри душманӣ мекунӣ, боғи дарунат аз хорзору мор пур мешаваду пажмурда мегардӣ.

ИҚБОЛИ ЛОҲУРӢ

Ба банди сӯфиву мулло асирӣ,
Ҳаёт аз ҳикмати Қуръон нагирӣ.
Бо оёташ туро коре ҷуз ин нест,
Ки аз «ёсин»-и ӯ осон бимирӣ.

#Иқболи_Лоҳурӣ

به بند صوفی و ملا اسیری
حیات از حکمت قرآن نگیری
با آیاتش تورا کاری جز این نیست
که از "یاسین" او آسان بمیری

#اقبال_لاهوری

Таҳиякунанда: Абдуллоҳи Қодирӣ

Ҳасани Басрӣ (р) фармудааст:

Ҳасани Басрӣ (р) фармудааст: Фасоди дилҳо аз шаш чиз аст:

1. Ба умеди тавба гуноҳ мекунанд.

2. Илм дорад ва ба он амал намекунад.

3. Амали хайрро аз рӯйи ихлос анҷом намедиҳад.

4. Рӯзии Худоро мехӯранду сипосгузорӣ намекунанд.

5. Ба чизе ки Худованд насибашон кардааст розӣ нестанд.

6. Мурдаҳоро дафн мекунанд, ва худ панд намегиранд.

Ҳамчунин гуфтааст:

Касе дунёро интихоб кунад ва онро бар Охират афзал шуморад, ба шаш уқубат гирифтор мешавад:

Се дар дунё:

1. Орзӯи беохир,

2. Хирси беқаонат,

Расми дунё дар ҳамин аст, онки омад рафтанист...

Расми дунё дар ҳамин аст, онки омад рафтанист,

Баъди рафтан номи некат бар забонҳо монданист.

То тавонӣ халқро аз худ маранҷон бо сухан,

Онки болотар нишинад, охираш афтоданист.

Умри ҷонат гарчи умри Нӯҳ ҳам бошад вале,

Шишаи умри гиронам оқибат бишкастанист.

Дил мабанд бар моли дунё, моли дунё бевафост,

Хирқаи зар ҳам бипӯшӣ, симу зар нобурданист.

Шуъбаи иттилоот ва ташхиси диншиносӣ

Страницы

Яндекс.Метрика